Kikosi cha Yanga kimewasili salama Jijini Nairobi

Kikosi cha Yanga kimewasili salama jijini Nairobi Kenya kwa ajili ya mchezo wa Kombe la Shirikisho Afrika dhidi ya Gor Mahia FC.

Kikosi hicho kimewasili Nairobi bila ya wachezaji Hassan Kessy na Kelvin Yondani ambao imeelezwa wamegoma wakishinikiza kuongezewa mikataba.

Yanga watacheza na Gor Mahia Jumatano ya Julai 18 2018 wakiwa na kibarua kikali cha kuhakikisha wanapata alama tatu ili kujiwekea nafasi ya kusonga mbele kuelekea hatua nyingine.

Katika kundi D ambalo Yanga wapo na MC Alger, Rayon Sports na Gor Mahia ambao watacheza nao kesho, wana alama moja pekee waliyoipata dhidi ya Rayon Sports iliyopigwa Uwanja wa Taifa kwa matokeo ya sare ya 0-0.

Mechi hiyo itachezwa majira ya saa 10 kamili jioni kwa mujibu wa ratiba ya CAF kwenye Uwanja wa Machakos jijini Nairobi.