Tetesi Za Usajili Barani Ulaya Leo 27/5/2023

Klabu ya Real Madrid imesema kuwa iko tayari kutangaza hatua yao ya kusiani mkataba ya kiungo wa kati wa England Jude Bellingham mwenye umri wa miaka 19, kutoka Borussia Dortmund wiki ijayo. (Marca – in Spanish)

Kiungo wa kati wa West Ham na England, Declan Rice anapendelea kujiunga na Arsenal msimu huu, huku Manchester United, Chelsea na Bayern Munich pia zikiwa na nia ya kumsajili mchezaji huyo mwenye umri wa miaka 24. (Mirror)

Klabu ya Manchester United bado haujakidhi kiwango cha Chelsea cha £55m ambayo ndio thamani waliyompa kiungo wa kati wa England Mason Mount licha ya kuongoza mbio za kinyang’anyiro cha kumchukua mchezaji huyo mwenye umri wa miaka . (Independent)

Klabu ya Manchester City inajiandaa kumtumia Cancelo katika mkataba wa kubadilishana wachezaji na kiungo wa kati wa Bayern na Ujerumani Joshua Kimmich mwenye umri wa miaka 28. (90min)

Marco Asensio yuko tayari kuondoka Real Madrid wakati mkataba wake utakapokamilika mwishoni mwa msimu huu baada ya mazungumzo baina ya klabu hiyo na kiungo huyo wa kati wa Uhispania mwenye umri wa miaka 27, kugonga mwamba. (Athletic – subscription required)

Asensio yuko katika mazungumzo ambayo yamefikia kiwango cha kukaribia kujiunga na Paris St-Germain kama Mchezaji huru. (ESPN)

Klabu ya Tottenham Hotspur inaongoza katika mbio za kununua mlindalango wa Brentford na Uhispania, David Raya mwenye umri wa miaka 27. (GiveMesport)

Mlinda lango wa SC Freiburg na Netherlands, Mark Flekken anakaribia kabisa kusaini mkataba kwaajili ya kujiunga na Brentford, huku klabu hiyo ya Primia Ligi ikiwa tayari kurefusha mkataba na kijana huyo mwenye umri wa miaka 29-wenye kipengele cha thamani ya €13m (£10.4m) cha kumuachilia. (Sky Sports Germany)

Klabu ya Leeds United huenda wasisaini mkataba wa kudumu msimu huu na kiungo wa kati wa United States, Weston McKennie mwenye umri wa miaka 24, wakati mkataba wake wa mkopo utakapoisha katika Juventus . (Calciomercato – in Italian)

Klabu ya West Ham United inamtaka beki wa Arsenal Mreno Nuno Tavares, 23, ambaye kwa sasa anacheza kwa mkopo katika klabu ya Marseille. (Record – in Portuguese)

Wing awa Arsenal mwenye umri wa miaka 23, Reiss Nelson yuko tayari kuafiki mkataba wa muda mrefu na klabu hiyo. (Athletic – subscription required)

Klabu ya Tottenham Hotspur iko tayari kusikiliza ofa ya mlinzi wa Wales, Ben Davies mwenye umri wa miaka 30 msimu huu. (Football Insider)

Klabu ya Chelsea inaangalia uwezekano wa kumuuza mmoja wa walindalango wao wawili, huku mchezaji wa kimataifa wa Senegal, Edouard Mendy mwenye umri wa miaka 31, akiwa na uwezekano mkubwa wa kuondoka katika klabu hiyo msimu huu . (90min)

Klabu ya Newcastle imewatuma waangalizi wao kumfuatilia kwa karibu kiungo wa safu ya kati wa RB Leipzig na Hungary, Dominik Szoboszlai mwenye umri wa miaka 22, mara mbili katika kipindi cha wiki mbili . (Sky Sports)

Klabu ya Manchester City iko tayari kutoka kitita cha euro milioni 40 (£35m) zinazohitajika kama garama ya kumnunua beki wa Ureno, Joao Cancelo, ambaye kwa sasa anacheza kwa mkopo Bayern Munich, huku Barcelona pia ikiwa na nia na mchezaji huyo mwenye umri wa miaka 28. (Sport – in Spanish)