Tetesi Za Usajili Barani Ulaya Leo 29/5/2023

Klabu ya FC Barcelona inataka kumsajili kiungo wa kati wa Brazil, Bruno Guimaraes, lakini klabu hiyo inaamini itapaswa kutoa ada ya uhamisho ya takriban euro milioni 100 (£87m) ili kuwashawishi Newcastle United kumuuza mchezaji huyo mwenye umri wa miaka 25. (Times)

Klabu ya Real Madrid inafikiria kumnunua Mshambuliaji wa Brazil, Roberto Firmino mwenye umri wa miaka 31, ambaye atakuwa mchezaji huru mkataba wake na Liverpool utakapokamilika msimu huu wa joto. (Fabrizio Romano)

Meneja wa zamani wa Tottenham na Paris St-Germain, Mauricio Pochettino mwenye umri wa miaka 51, ametia saini mkataba wa miaka mitatu kuwa kocha mkuu mpya wa Chelsea. (Guardian)

Brazil bado wana matumaini ya kumshawishi kocha wa Real Madrid Carlo Ancelotti kuwa kocha wao mkuu ajaye. Mabingwa hao mara tano wa Kombe la Dunia wamekuwa bila kocha tangu Fainali za Kombe la Dunia nchini Qatar mwezi Disemba. (Athletic)

Klabu ya Liverpool inaweza kumsajili kiungo wa Lazio, Sergej Milinkovic-Savic mwenye umri wa miaka 28, kwa euro 26m (£22.5m), huku mkataba wa mchezaji huyo wa kimataifa wa Serbia ukitarajia kumalizika 2024. (Calciomercato via Goal).

TETESI za Usajili Barani Ulaya Leo Jumatatu 29 May 2023Matumaini ya Klabu ya Manchester United kumsajili beki wa Korea Kusini Kim Min-jae mwenye umri wa miaka 26, na mshambuliaji wa Nigeria Victor Osimhen mwenye umri wa miaka 24, kutoka Napoli yameongezeka huku kukiwa na uvumi kuhusu mustakabali wa meneja wa timu hiyo ya Italia Luciano Spalletti. (Givemesport)

Klabu ya Sheffield United inamfuatilia kiungo wa kati wa Nottingham Forest Muingereza, Lewis O’Brien mwenye umri wa miaka 24, ambaye kwa sasa yuko kwa mkopo DC United. (Sun)

Klabu ya Crystal Palace inakaribia kufikia makubaliano ya kumsajili kiungo wa kati wa Bournemouth na Colombia, Jefferson Lerma mwenye umri wa miaka 28, kwa uhamisho huru (wa bure) msimu huu wa joto. (Fabrizio Romano)

Mshambuliaji wa Chile, Alexis Sanchez mwenye umri wa miaka 34 ambaye yupo huru anatamani tena kurejea katika Ligi kuu ya England – baada ya kuzichezea Arsenal na Manchester United – wakati huu akimaliza mkataba wake Marseille. (Sun)