Ranga Chivaviro Yanga SCYoung Africans pia inahusishwa na Mshambuliaji wa Marumo Gallants, Ranga Chivaviro mwenye umri wa miaka 30.
Chivaviro ndiye Kinara wa Ufungaji kwenye Kombe la Shirikisho Afrika, akiwa na magoli matano (5) sawa na Fiston Mayele wa Yanga SC, huku kwenye Ligi Kuu ya Afrika Kusini (South African Premier Division), akiwa na magoli 9 kwenye michezo 17.
Gatoch Panom Yiech Simba SCKlabu ya Simba SC inamnyatia kiungo mkabaji mahiri, Gatoch Panom Yiech raia wa Ethiopia mwenye umri wa miaka 28 KutokaSt. George SC ya kwao Ethiopia.
Mkataba wa Yiech Panom Gatoch na St. George SC unatajiwa kufikia tamati June 30, 2023.
Tuisila Kisinda Yanga SCYoung Africans pia ina mpango wa kuachana na winga wao Tuisila Rossien Kisinda mwenye umri wa miaka 23 kutoka DR Congo mwishoni mwa msimu huu.
Benard Morrison Yanga SCWachezaji wengine ambao Young Africans ina mpango wa kuachana nao kuelekea msimu ujao wa 2023/2024 ni Benard Morrison mwenye umri wa miaka 29, David Bryson, Crysin Ngushi, Dickson Ambundo na golikipa Eric Johora.
Joash Onyango Simba SCBeki wa Kimataifa wa Kenya, Joash Onyango mwenye umri wa miaka 30 ametajwa kuwasilisha barua ya maombi ya kuomba kuondoka katika klabu hiyo aliyoitumikia takribani miaka mitatu.
Nicolas Wakilo Wadada Singida Big Stars FCKLABU ya Singida Big Stars inaidaiwa kukamilisha usajili wa beki wa kulia Nicolas Wadada kutoka Ihefu SC.
Huo utakuwa usajili wa pili wa Singida Big Stars baada ya kukamilisha usajili wa beki Yahya Mbegu kutoka Ihefu SC, ambaye alikuwa kwenye rada za Simba SC.
Metacha Mnata Yanga SCUongozi wa klabu ya Young Africans upo kwenye mazungumzo ya kumuongezea mkataba mpya wa miaka mitatu (3) golikipa wao Metacha Mnata, baada ya mkataba wa mkopo wa miezi 6 kutoka Singida Big Stars kuisha mwishoni mwa msimu huu.
Denis Nkane Yanga SCWachezaji wengine ambao Young Africans inajadiliana nao kwaajili ya kuongeza mkataba mpya ni Jesus Moloko na Denis Nkane.
Ibrahim Abdallah Hamad Yanga SCBeki wa kati wa Klabu ya Young Africans, Ibrahim Abdallah Hamad amefikia makubaliano ya kuongeza mkataba wa kuendelea kuwatumikia wananchi kwa miaka mitatu ijayo.
Edmund John Simba SCKlabu ya Simba SC ipo kwenye mazungumzo na kinda wa Geita Gold FC, Edmund John mwenye umri wa miaka 20.
Imeelezwa kuwa Klabu ya Simba ina mpango wa kuachana na Wachezaji wake 11 kuelekea msimu mpya wa 2023/2024.
Wachezaji hao waliotajwa ni Nelson Okwa na Patrick Victor Akpan wote kutoka Nigeria, Augustine Okrah kutoka Ghana, na Mohamed Ouattara kutoka Ivory CoastVictor Akpan, Nassor Kapama and Augustine Okrah Simba SC
Wengine ni Hamed Ismael Sawadogo kutoka Burkina Faso, Peter Banda Kutoka Malawi, Jimmyson Mwanuke, Nassoro Kapama, Beno David Kakolanya, Jonas Gerald Mkude na Gadiel Michael Kamagi wote Watanzania.
Yahya Mbegu Simba SCKlabu ya Simba SC imetajwa kukamilisha Usajili wa beki wa kushoto Yahya Mbegu kutoka Ihefu SC ya Mbeya ili kuziba nafasi ya Gadiel Michael anayeachwa.
Sospeter Bajana and Brno Gomez Simba SCKlabu ya Simba SC ipo kwenye mpango wa kuwasajili viungo, Sospeter Bajana, anayemaliza mkataba wake na Azam msimu huu pamoja na Brno Gomez kutoka Singida Big Stars FC.
Fabien Mutombola and Martin Kizza Simba SCWengine walio kwenye mpango wa Simba SC ni kipa Fabien Mutombola na Mshambuliaji Martin Kizza wote kutoka Vipers ya Uganda.
Benard Morrison and Moses Phiri Singida Big Stars FCKlabu ya Singida Big Stars imetajwa kuwa katika hatua za mwisho kukamilisha Usajili wa kipa wa Simba SC, Beno Kakolanya, wengine ambao Singida inatajwa kuwinda saini zao ni Benard Morrison kutoka Yanga SC na Moses Phiri kutoka Simba SC.
Klabu ya Coastal Union ya Tanga ipo kwenye mazungumzo na kocha wao wa zamani, Juma Mgunda ya ili awe kocha wao ajaye kwa msimu ujao wa 2023/2024.
Golikipa nambari mbili wa Simba SC, Beno David Kakolanya amekataa ofa ya kwanza kutoka kwa timu ya kutaka kumuongeza mkataba mpya wa kuendelea kuitumikia klabu hiyo yenye makazi yake Mtaa wa Msimbazi Jijini Dar es salaam.
Inaelezwa kiwa kipa huyo amepewa ofa ya mshahara wa milioni tano (5m) kwa mwezi pamoja na ada ya usajili milioni 60.
Kakolanya amekataa ofa hiyo na kutoa sababu kuwa anataka kwenda sehemu nyingine ili awe anapata nafasi ya kucheza.
klabu ya Singida Big Stars huenda ikaachana na beki wake wa pembeni, Yassin Mstafa mwishoni mwa msimu huu, kutokana na ufinyu wa nafasi ndani ya Kikosi hicho cha walima Alizeti.
Kuna uuwezekano mkubwa wa beki wa pembeni wa klabu ya Ihefu SC, Yahaya Mbegu kujiunga na Singida BS msimu ujao wa 2003/2024.
Singida Big Stars pia ipo kwenye mazungumzo ya kumrudisha aliyekuwa Mshambuliaji wake, Habibu Kyombo endapo Klabu ya Simba itaamua kumuachia mwishoni mwa msimu huu.
Klabu ya Geita Gold ya mkoani Geita huenda ikaachana na Kocha wake Mkuu, Fred Felix Minziro kabla ya msimu huu kumalizika au mwishoni mwa msimu huu.
Taarifa kutoka ndani ya viunga vya Geita Gold zinasema kuwa Uongozi wa klabu hiyo unafikilia kuachana na Minziro kwa sababu ya kutokuwa na maelewano na wasaidizi wake wa benchi la ufundi.
Klabu ya Simba imetajwa kumwania beki wa kati na Nahodha Msaidizi wa timu ya taifa ya Rwanda, Thierry Manzi mwenye umri wa miaka 26 kutoka AS Kigali ya kwao Rwanda.
Simba pia ipo kwenye Mazungumzo na Mshambuliaji Eric Benjamin Kabwe mwenye umri wa miaka 22 kutoka AS Vita Club ya kwao DR Congo.
Klabu ya Singida Big Stars ipo kwenye hatua za mwisho kukamilisha usajili beki wa kulia wa Tanzania Prisons ya Mbeya, Ibrahim Abraham.
Klabu ya Geita Gold ipo kwenye Mazungumzo ya kumuongezea Mkataba golikipa wao, Arakaza MacArthur raia wa Burundi baada ya kuridhishwa na kiwango chake.
Klabu ya Kitayosce FC ya mkoani Tabora, iliyopanda Ligi Kuu ipo kwenye hatua za mwishoni kukamilisha Usajili wa wachezaji wanne (4) kwaajili ya kusuka kikosi upya kuelekea msimu ujao wa 2023/2024.
Wachezaji wanaotajwa kuwaniwa na Kitayosce ni Washambuliaji Yacouba Sogne kutoka Ihefu SC, pamoja na Heritier Makambo ambaye hana timu, golikipa Wilbol Maseke Changarawe kutoka Azam FC na Beki Steven Duah kutoka Kagera Sugar.
Inaelezwa kuwa Mdhamini na Rais wa Heshima wa Klabu ya Simba SC, Mohamed Dewji ‘Mo’ amemrejesha kwenye Bodi ya Simba aliyekuwa CEO wa zamani wa timu hiyo Crescentius Magori kwaajili ya kuongeza nguvu ya utendaji kazi ndani ya Bodi hiyo kuanzia Msimu ujao 2023/2024.
Wachezaji wanaoondoka Simba SC msimu ujao wa 2023/2024 ni pamoja na Ismail Sawadogo, Augustine Okrah, Gadiel Michael anaenda Singida Big Stars FC, Habibu Kiyombo anaenda Singida Big Stars FC, Jonas Mkude anaenda Singida Big Stars pia, mwingine ni Mohammed Outtara, huku Joash Onyango akiwa 50%/50%.
Klabu ya Coastal Union FC ya Tanga imeachana na golikipa wake Mahamoud Mroyvil pamoja na beki wake wa kulia Emery Nimubona raia wa Burundi.
0 Comments:
Post a Comment